კლასის დამრიგებლის ბლოგი

დღეს დავასრულეთ ინტელის ტრენინგი. ავტვირთეთ ჩვენი პროექტის საქაღალდე ბლოგზე და გავაკეთეთ მისი პრეზენტაცია. პრეზენტაციები საინტერესო და მრავალფეროვანი აღმოჩნდა. მსმენელებმა ერთმანეთს მივეცით რეკომენდაციები, რომელიც ითვალისწინებდა ჩვენი შემდგომი მუშაობის  გაუმჯობესებას. პრეზენტაციაზე  ნათლად გამოიკვეთა ჩვენი პროექტის ძლიერი და სუსტი მხარეები. ეს მე დამეხმარება მის დახვეწასა და შესაბამისად,  უფრო მაღალი  შედეგების მიღწევაში. ამ ტრენინგის ფარგლებში შევიძინე მეტად საჭირო ცოდნა და უნარ-ჩვევები, რომლებიც არამარტო ჩემს  მოსწავლეებს წაადგება, არამედ ჩემთვის პროფესიული ზრდის საშუალებაც იქნება. დიდ მადლობას ვუხდი ტრენინგის ორგანიზატორებს და ჩვენს ტრენერს, ბატონ დიმიტრი პოპოვს.  

პორთფოლიოს საქაღალდე

დღეს განვიხილეთ დიფერენცირების საკითხები და ფასილიტაციის ტექნოლოგიები. ეს საშუალებას მოგვცემს ყველა მოსწავლეს თავისი განვითარების შესაბამისი დავალებები შევთავაზოთ და ამგვარად შევძლოთ მათი  ჩართვა სასწავლო პროექტებში.

დღეს ვიმუშავეთ პროექტის შეფასების რუბრიკის შექმნაზე. შევარჩიეთ  კრიტერიუმები, რომლებიც დაგვეხმარებოდა მოსწავლეთა მიერ პროექტის ფარგლებში შეძენილი   ცოდნისა და უნარების შეფასებაში. დღეს მიღებული ცოდნა ყოველთვის  დამეხმარება პროექტებით სწავლებისას,  მკაფიო და მიზნობრივი შეფასების კრიტერიუმების შერჩევაში.

დღეს განვიხილეთ საუკეთესო ტექნოლოგიური ინსტრუმენტები. ვფიგრობ, ეს დაგვეხმარება სასწავლო პროცესში ეფექტური აქტივობების დაგეგმვაში, რომელიც დადებითად წაადგება მოსწავლის სწავლის პროცესს.ამგვარი აქტივობები ხელს შეუწყობს მოსწავლეებში 21-საუკუნის უნარების განვითარებას.

დღეს ავტვირთეთ ჩვენი პროექტის პრეზენტაცია.

დღევანდელი ტრენინგი ძალიან მნიშვნელოვანი  საკითხის  შესწავლას  მოიცავდა. განვიხილეთ პროექტის შეფასების მეთოდები. გავეცანით შეფასების  დროში გაწერილი გეგმის მაგალითებს. სათითაოდ განვიხილეთ შეფასების ინსტრუმენტები: ჟურნალი,ჩეკლისტები,პროექტის რუბრიკა,დაგეგმვის ფურცლები და სხვა. მისი მიხედვით  დავგეგმეთ  საკუთარი პროექტის შეფასების პროცესი და მიზნები. მივიღეთ დავალებებც.  კმაყოფილი ვარ დღევანდელი ტრენინგით, რადგან პროექტებზე მუშაობის პროცესში ყოველთვის  ვგრძნობდი, რომ  შეფასებასთან დაკავშირებით ბუნდოვანი და არასაკმარისი ცოდნა გამაჩნდა. დღეს ვგრძნობ, რომ ეს საკითხი უფრო მკაფიო გახდა ჩემთვის, რაც უთუოდ დამეხმარება მოსწავლეთა საჭიროებების დადგენასა და მათი სწავლის პროგრესისთვის. მადლობაა!

დღეს ვიმუშავეთ პროექტის სტანდარტებზე; შევუსაბამეთ  და შევიტანეთ ისინი ტრენინგის ფარგლებში, ჩვენს მიერ დაგეგმილი  სასწავლო პროექტის  გეგმაში; გავეცანით მიმართულების მიმცემ საკვანძო კითხვებს; ჩვენი პროექტისთვის თავადაც შევადგინეთ  ასეთი კითხვები; ჩემთვის განსაკუთრებით დასაფიქრებელი აღმოჩნდა  ზოგადი კითხვის მოფიქრება. ვფიქრობ ამგვარი კითხვები ძალიან გამოგვადგება მოსწავლეებში მაღალი სააზროვნო უნარების განსავითარებლად.

დღეს კიდევ ერთი ბლოგი შევქმენი. მომავალში ამ ბლოგზე განვათავსებ კლასის დამრიგებელთათვის  მრავალფეროვან დამხმარე რესურსებსა და საინტერესო  სტატიებს.ვფიქრობ სასარგებლო ბლოგი გამოვა. გარდა ამისა, ღეს შევისწავლეთ ისეტი საკითხები როგორიცაა პუბლიკაციებისა და ჩეკლისტების მომზადება. საინტერესო ტრენინგი გამოვიდა.